Monday , April 23 2018

Derbi Tirana-Partizani përfundon në barazim pa gola

Ka përfunduar në barazim pa gola derbi mes Tiranës dhe Partizanit. Pjesa e mbetur nga mbrëmë (27 minutat e mbetura) nuk patën raste për shënim nga skuadrat, ndërsa për t’u përmendur mbetet vetëm kartoni i kuq i marrë nga kapiteni i Tiranës, Erando Karabeci, i cili u ndëshkua për dy ndërhyrje të gabuara.

Mbrëjen e djehsme stadiumi “Selman Stërmasi” u pushtua nga errësira e plotë për shkak të një problemi me energjinë elektrike, duke detyruar vëzhguesit e Federatës Shqiptare të Futbollit të marrin vendimin për ta shtyrë këtë sfidë për sot, ku gjithçka nisi nga minuta e 63, kur edhe ndodhi defekti teknik.

Deri në momentin e ndërprerjes së sfidës, skuadrat shfaqën në fushë e lojës përpjekjet e tyre për të sulmuar e për të fituar përballë tifozëve respektive që e kishin shfrenuar fantazinë e tyre me koreografinë e krijuar.

Tirana ishte ajo që krijoi rastet e para për shënim me Karabecin, Cisse dhe me Marveile, por Hoxha dhe fati nuk lejuan që topi të hynte në rrjetë. Partizani nga ana e tij u kundërpërgjigj në 17 minutat e fundit të kësaj pjesë fillimisht me Ekuban e më pas me Bathën, por edhe këta futbollistë nuk mundën të shënonin.

45 minutat e dyta filluan me një rast të Cisse, që u ndal nga portieri i partizanit Alban Hoxha. Pas një periudhe qetësie në fushën e lojës ndodhi dhe e papritura kur u shfaq problemi me energjinë elektrike që detyroi skuadrat të shkonin përpara kohe në dhomat e zhveshjes pikërisht me sfidën të mbërthyer në barazimin 0-0.

/ Top Channel

Leave a Reply

Your email address will not be published. Required fields are marked *

%d bloggers like this: