Sunday , December 4 2016
sadiku

Elbasanasi Sadiku rikthehet në fushën e blertë

Armando Sadiku kthehet në fushën e blertë. Sadiku, i cili u mungoi kuqezinjve në dy sfidat e fundit me Spanjën dhe Izraelin, kanë lënë pas dëmtimin duke u aktikvizuar në pjesën e dytë në fitoren 0-4 të Zyrihut në fushën e Servette. Ky është një lajm i mirë jo vetëm për skuadrën e Zyrihut por edhe për kombëtaren tonë.

Trajneri i Zyrihut Ulrich Forte preferoi t’i jepte vetëm disa minuta në këmbë 25-vjecarit, i cili ende nuk është i gatshëm për të përballuar një 90 minutësh të plotë.

Sadiku zëvendësoi në minutën e 77-të Sarr, kur rezultati ishte 0-3.

Zyrihu shënoi një tjetër gol në të 87-ën me sulmuesin kuqezi në fushë. Në fakt Sadiku u përfshi në listën e të grumbulluarve nga De Biasi për ndeshjen e Elbasan Arenës me Izraelin, me shpresën së mund të rikuperohej në kohë, por stafi teknik vendosi ta linte në tribunë për të mos rrezikuar me një aktivizim të parakohshëm, që mund të ndikonte edhe më keq në gjendjen fizike të futbollistit.

Sadiku iu nënshtrua një ndërhyrjeje kirurgjikale në gju, për shkak të dëmtimit të meniskut, duke qëndruam për rreth dy muaj jashtë fushave të blerta.

Leave a Reply

Your email address will not be published. Required fields are marked *