Wednesday , August 16 2017

Familja shqiptare fiton të drejtën e qëndrimit në Gjermani

Pas një udhëtimi të gjatë, një fund i lumtur për familjen shqiptare. Eriola dhe Renato Jolla, si dhe tre fëmijët e tyre Roberto (13), Antonio (8) dhe Alexandro (3) iu është dhënë leja e qëndrimit në Bad Sobernheim, shkruan ‘allgemeine-zeitung.de’.

Fillimisht leja i është dhënë për një vit dhe nëse gjejnë punë brenda kësaj periudhe ose mund të sigurojnë jetesën e tyre, autoritetet e emigracionit do t’iu japin të drejtën e qëndrimit në vend, përcjell albinfo.ch.

Ky lajm ka sjellë gëzim të madh në familjen shqiptare, që nuk ka harruar falënderimet. “Ne kemi ardhur këtu, pa ditur gjuhën, pa njohur askënd, derisa tani kemi shumë miq, faleminderit, faleminderit për gjithçka”, thotë Eriola Eriola Jolla me lot në sy.

Kjo familje kishte shumë përkrahje nga vendësit. Ulrike Scholtheis-Wenzel nga Kisha Ungjillore e Bad Sobernheim ka thënë: “Kushdo që përpiqet që të ndihet si në shtëpi këtu, duhet lejuar”.

Familja shqiptare kishte ardhur më 3 prill 2015 në Bad Sobernheim. Ata kishin një histori të gjatë të migrimit. Ajo kishte shkuar në fillim në Greqi, por ishte kthyer përsëri në Shqipëri, e më pas shkuan në Gjermani.

“Nuk ka energji elektrike, nuk ka ujë dhe nuk ka punë”, tregon Renato arsyet e largimit nga Shqipëria. Por, ata u lejuan të qëndrojnë vetëm falë fëmijëve. Në fillim kërkesa ishte negative para Krishtlindjeve, dhe duhej që për shtatë ditë të largoheshin.

Por, ata kishin kërkuar ndihmë nga famullia. Më pas kisha kishte nisur një fushatë të qëndrimit dhe në një peticion online mblodhën 500 nënshkrime.

Leave a Reply

Your email address will not be published. Required fields are marked *

%d bloggers like this: