Saturday , December 3 2016
etah

Izraeli emëron ambasadorin në Turqi, pas gjashtë vitesh mosmarrëveshje diplomatike

Izraeli emëroi sot ambasadorin e vet në Turqi, i pari në këtë post prej vitit 2010, duke shënuar në këtë formë normalizimin e marrëdhënieve mes dy shteteve, pas 6 vite mosmarrëveshje diplomatike.

“Eitan Naeh u emërua nga një komision qeveritar”, njoftoi zëdhënësi i Ministrisë së Punëve të Jashtme, Emmanuel Nahshon.

Naeh aktualisht kreu i misionit të përbashkët në ambasadën në Londër do të bëhet ambasadori i parë i Izraelit në Ankara prej krizës në Mavi Marmara në vitin 2010, ndërsa forcat speciale izraelite kishin goditur një anije që po drejtohej në Gaza, duke shkaktuar vdekjen e 10 aktivistëve turq që ndodheshin në bord.

Pas gjashtë vite të një ftohje diplomatike ku ambasadorët e dy vendeve u tërhoqën nga postet, të dy palët ranë dakord në qershor për t’i dhënë fund mosmarrëveshjeve pas nisjes së bisedimeve sekrete në disa vende të treta.

Pas marrëveshjes, Izraeli pranoi të paguajë 20 milionë dollarë dëmshpërblim në formë ndjese për sulmet duke lejuar ndihmën turke për të arritur në Gaza nëpërmjet portit izraelit të Ashdod-it.

Leave a Reply

Your email address will not be published. Required fields are marked *