Tuesday , December 6 2016
policia

“Policia e Gjeneratës së Re”/ Paga e policëve rritet prej 1 marsit, më e larta në rajon

Projekti “Policia e Gjeneratës së Re” po shpaloset ditën e sotme, ku kryeministri Rama bëri të ditur se pagat e policisë do të rriten prej 1 marsit 2017, duke kapur nivelin e lartë të rajonit tonë.

“Me buxhetin e vitit të ardhshëm duke filluar nga 1 mars 2017 pagat tuaja jo vetëm do të rriten përsëri po tanimë ato do të kapin nivelin e lartë të rajonit tonë. Duke mishëruar edhe zbatimin tonë që kemi një polici shteti ndër më të mirat në rajon dhe ndër më të mbështeturat financiarisht dhe moralisht në rajon”, tha Rama.

Kryeministri gjatë prezantimit foli edhedhe ambicien e qeverisë shqiptare, pasi synohet qe brenda një 10-vjeçari policia shqiptare do të jetë ndër më të mirat në BE. “Ambicia jonë është që në një 10-vjecar policia jonë të jetë ndër më të mirat në BE. Ne jemi të vendosur të ecim drejt një objektivi, ashtu sikurse jemi 100% të bindur se ky objektiv është jo vetëm i mundshëm por edhe tërësisht në mundësitë tona”, përfundoi Rama.
Ndërsa Ministri i Brendshëm Saimir Tahiri e vlerësoi policinë shqiptare si një histori suksesi, plot mundësi për të fituar çdo sfidë.

“Policia sipas sondazheve është institucioni më i besuar në vend. Sot çdo tregues flet për një histori suksesi me plot mundësi për të fituar çdo sfidë që kemi parë. Është ulur numri i vrasjeve, vjedhjeve, është rritur lufta kundër drogës, pasuria kriminale e sekuestruar. Polici vullnetar hapësira për t’u bërë bashkë me qytetarët duke u përfshirë vet ata. Janë disa qindra brenda pak ditësh kërkesa e të rinjve dhe të rejave për të shërbyer disa orë vullnetarisht”, tha Sajmir Tahiri.

Leave a Reply

Your email address will not be published. Required fields are marked *