Sunday , December 4 2016
universiteti-i-elbasanit

Regjistrimet për universitet u mbyllën por mbeten 3200 vende bosh

Ministria e Arsimit ka njoftuar se janë mbyllur regjistrimet për të ndjekur studimet e larta në Universitet.

Sipas të dhënave të MAS, kanë mbetur të lira 3200 kuota në të cilat nuk është regjistruar asnjë student.

Afati i fundit për regjistrimet e maturantëve për në Universitet ka qenë data 1 nëntor. Kjo datë u shty për t’i dhënë më shumë kohë maturantëve që të kishin mundësi të regjistroheshin.

Skema e re e Ministrisë së Arsimit për ndjekjen e studimeve të larta u aplikua për herë të parë këtë vit. Por të shumta kanë qenë kritikat dhe akuzat e maturantëve ndaj këtij institucioni.

Ankesat e maturantëve konstitonin në faktin se skema e re u “digjte” mundësinë që të fitonin degë studimi në universitetet publike, dhe u jepte prioritet universiteteve private.

Sipas shifrave zyrtare të Ministrisë së Arsimit të bëra publike në mbyllje të aplikimeve, në total janë regjistruar 22.963 studentë nga të cilët 18.584 në universitete publike dhe 4.379 në universitete private.

Leave a Reply

Your email address will not be published. Required fields are marked *