Sunday , December 4 2016
pije-energjike

Rreziku që na kanoset nga konsumimi i pijeve energjike!

Pothuajse të gjinë ne jemi konsumues të pijeve energjike, edhe pse jemi deri diku koshientë që nuk janë  të mira sidomos kur flasim për fëmijët. Të rinjtë i pëlqejnë dhe i përdorin rregullisht pijet energjike. Problemi qëndron  se nuk e dimë çfarë pimë, sepse çdo pije energjike me ose pa gaz, në të vërtetë është në përzierje substancash të ndryshme mes aromatizuesish, ngjyruesish, vitaminash, sheqernash, ëmbëltuesish, por edhe të tjera akoma.

Por sado që autoritetet shëndetësore përpiqen të sensibilizojnë njerëzit, e sidomos të rinjtë që të mos i konsumojnë pijet energjike, sepse u bëjnë dëm, vazhdon të mbetet i paqartë fakti se shpesh është e vështirë të interpretosh përfundimet e nxjerra nga studimet e ndryshme se deri në ç’dozë mund të jetë e dëmshme një lloj molekule.

Kjo e shpjegon edhe arsyen sesi ndonjëherë i njëjti përbërës shtesë cilësohet i padëmshëm në një vend dhe ndalohet në një vend tjetër.

Por cili është përfundimi i gjithë kësaj çështjeje?

Kontrolloni me kujdes përbërjet e tyre edhe nëse nuk mund të hiqni dorë nga pijet energjike, dhe zgjidhni mes disa kategori pijesh që preferoni dhe konsumoni më pak.

Mbase mund të jetë i vërtetë fakti që të japin fuqi, por “akuzohen” se nxisin tensionin e lartë, takikardi, dehidratim, mbipeshë dhe obezitet, pa përmendur pastaj efektet e dëmshme kur përzihen me alkoolin, gjë që e bën dehjen më të rrezikshme, për shkak se ndërgjegjja humbet ngadalë.

Këto pije në fakt , nuk përmbajnë elemente të dëmshme nëse konsumohen të vetme,  por bëhen shumë të rrezikshme po të përzihen.

E keqja është se mania e të rinjve është të pinë pafund dhe shpeshherë i përziejnë ato me pije super alkoolike për të pasur një efekt bombë.

Në disa vende si Danimarka tregtimi i pijeve energjike në treg të lirë është i ndaluar. Në Norvegji këto pije mund të blihen vetëm në farmaci. Franca i ka lejuar vetëm së fundmi duke u vendosur sipër një etiketë ku shkruhet: “Të konsumohet rrallë, nuk u këshillohet grave shtatzëna dhe fëmijëve”. Britania e Madhe nuk ua rekomandon përdorimin e tyre grave shtatzëna, minorenëve dhe personave që vuajnë nga sëmundjet kardiovaskulare./Telegrafi

Leave a Reply

Your email address will not be published. Required fields are marked *