Sunday , February 28 2021

I dergonte vëllait drogë në burg duke futur brenda ushqimeve, arrestohet 38 vjeçari nga Elbasani

Një person është vënë në prangat e policisë, pasi mes ushqimeve tentonte që ti fuste heroinë vëllait i cili vuan dënimin në burgun e Peqinit.
Gjatë së martës u bë arrestimi i një 38 vjeçari, banues në Elbasan. Arrestimi i tij u bë pasi në dhomën e pritjes dhe takimit me të paraburgosurit pranë
Institucionit të Ekzekutimit të Vendimeve Penale Elbasan, gjatë kontrollit të ushtruar në çantat e ushqimeve të cilat do ja dërgonte vëllait të tij, policia gjeti dhe sekuestroi në cilësinë e provës materiale 2.3 gramë lëndë narkotike e dyshuar të llojit heroinë.
Kjo bëri që 38-vjeçari të arrestohet i akuzuar për veprat penale, “Prodhimi dhe shitja e narkotikëve” dhe “ Futja e sendeve të ndaluara në institucionin e ekzekutimit të vendimeve me burg”.
Ndaj të dyshuarit hetimet janë në vijim, ndërkohë që materialet iu referuan Prokurorisë së Elbasanit, për veprime të mëtejshme.