Thursday , August 5 2021

Largimi i mjekëve, kostoja e lartë që Shqipëria po i “paguan” Gjermanisë

Gjermania është kthyer në një aleat të rëndësishëm për Shqipërinë në vitet e fundit, e po ashtu edhe një “Amerikë” e dytë për shqiptarët, të cilët pasivisht kanë arritur ta mëosjnë gjuhën. Shteti gjerman ka nevojë për punëtorë, e nga shumë shqiptarë kjo shikohet si një mundësi e artë, për një jetë më të mirë.

Por në Gjemani, shanset më të mëdha për të ikur i kanë mjekët dhe infermierët shqiptarë. Kur një mjek shqiptar i sapodiplomuar largohet drejt Gjermanisë, ai merr me vete një vlerë investimi rreth 100 mijë euro nga Shqipëria, kontribues të së cilës janë familja, shteti dhe shoqëria shqiptare. Sipas ekspertëve, i njëjti investim në Gjermani kushton 390 000 Euro.

Duke punësuar një mjek të diplomuar në Shqipëri, shteti gjerman kursen 390 mijë euro investime që mund t’i përdorë diku tjetër. E thënë ndryshe 110 milion eurot që Bashkimi Evropian i dhuroi Shqipërisë si ndihmë për pasojat e tërmetit të 26 nëntorit, Shqipëria i ka parapapaguar vetëm me transferimin e 280 mjekëve që kanë emigruar në vende e BE-së. Ose, për rreth 3 000 mjekët dhe 5 000 infermierët që janë larguar vitet e fundit, Shqipëria ka kontribuar në sistemin shëndetësor të BE me më shumë se 3 miliardë euro./abcnews/