Tuesday , March 9 2021

‘Pse ndahen kaq shumë artistët?’ Eneda Tarifa flet për herë të parë për dirvorcin.

Duket sikur personazhet e njohur divorcohen më shumë se njerëzit e thjeshtë, sikur nuk e mendohen dy herë për martesën nëse ajo nuk shkon mirë, por ja që, në të vërtetë, nuk bëjnë përjashtim nga askush. Edhe pse në publik krijohet përshtypja se personazhet e njohur divorcohen më shumë, ata janë pothuaj njëlloj me të gjithë – ndryshimi është që ajo që ndodh në jetën e tyre mësohet nga publiku i gjerë.

Edhe Eneda Tarifa, e ftuar në “Në kurthin e Piter Panit”, nuk shpëtoi nga pyetjet delikate për divorcin. Ishte pikërisht pyetja “pse artistët divorcohen më shumë?” ajo që e zuri pak ngushte Enedën. Megjithatë, këngëtarja tha se kjo nuk është e vërtetë: “Jo se ne divorcohemi më shumë, por ne na duket më shumë, sepse jemi më të dukshëm për njerëzit e tjerë”, – tha ajo duke shtuar se “divorci është një proces që duhet trajtuar normalisht.

Po u trajtua normalisht dhe po nuk u bë dramë, atëherë gjithçka shkon normalisht”,– tha këngëtarja. Prej pak vitesh Eneda është ndarë nga bashkëshorti i saj, Erjon Zaloshnja, me të cilin ka edhe një vajzë bukuroshe, Aria.