Tuesday , September 22 2020

Rita Ora përlot me fjalët dedikuar njeriut të shtrenjtë. “Do më mungosh çdo ditë”

Rita Ora tre ditë më parë humbi një nga njerëzit më të dashur, gjyshen e saj. Ajo u nda nga jeta për shkaqe që nuk u bënë të ditura dhe varrimi i të ndjerës do të bëhej në orën 15:00 në fshatin Rudicë, në Klinë. Me siguri Rita nuk ka qenë e pranishme për ta përcjellë gjyshen e saj për në banesën e fundit, por ajo i ka bërë një dedikim shumë prekës të ndjerës.

Këngëtarja ka publikuar në rrjete sociale një foto të gjyshes dhe një tjetër ku shihet e lumtur pranë saj. Rita është shprehur e pikëlluar për ndarjen e gjyshes nga jeta dhe ka treguar se sa shumë e donte atë për personalitetin e fortë. Këngëtarja i ka prekur të gjithë me fjalët e saj, duke thënë se shpreson që gjyshja të prehet në paqe pranë gjyshit, që ka ndërruar jetë vite më parë.

“E dashur Nani, ti ishe njeriu më magjepsës, elegant, punëtor dhe i pavarur që kam njohur. Çdo ditë ajo bënte ecje e veshur në mënyrën më të bukur, merrte kafen e saj dhe nuk kërkonte ndihmë nga askush. Ajo ishte shumë e kujdesshme, e fuqishme dhe gazmore! O Zot sa kemi qeshur dhe kur ajo thoshte të vërtetën nuk kishte filtra.

Por ajo donte dhe kujdesej me gjithë zemër. Do më mungosh çdo ditë! U prehsh në paqe pranë gjyshit dhe e di që do të na mbrosh e udhëzosh nga lart. Përpiqu të mos festosh shumë atje në parajsë. Të dua nani”, ka shkruar Rita në postimin e saj.