Friday , November 27 2020

Mjekja e revoltuar me skeptikët: Kush jeni ju more palaço që thoni virusi nuk ekziston?

Mjekja kirurge Lida Shosha, përmes një postimi në rrjetet sociale, thotë se në punën e tyre po shohin çdo ditë imazhe problematike të skanerave “të mushkerise cope -cope, sugjerus shume te forte per infeksionin nga Covid -19′.

E indinjuar nga spektikët dhe ata që e mohojnë se virusi ekziston, ajo bën thirrje që qytetarët të ndërgjegjësohen sepse vendi ynë thotë mjekja, sot “është në këtë situatë për shumë arsye, por një prej tyre është papërgjegjshmëria e paprecedentë e këtyre personave”.

“Lërini mjeket, të punojnë të qetë, në këto kohë tejet të vështira, përpos vapës, Covidit, rasteve problematike që kërkojnë zgjidhje, lodhjes së tejzgjatur, s’ju kemi mangut dhe mendjet e helmatisura nga virusi i injorancës”

Postimi i plotë:

“Perdite shohim imazhe problematike te skanerave te mushkerise cope -cope, sugjerus shume te forte per infeksionin nga Covid -19.

Kush jeni ju, more palaco ordinere neper rjete sociale e media, qe helmoni ket milet me teorite konspirative, jo po nuk egziston, jo po mjeket po genjejne, gjithe bota po genjen. Vecse, kur te bini ne dore te mjekeve e te luteni per nje fije fryme, mire eshte , tju nxjerim nga dritarja te ajroseni ne bahcen, me barin e perveluar nga 45 gradshi i te nxehtit afrikan. Po kete se bejme dot per askend, as per ju, sepse respektojme veten, profesionin, qe i kemi kushtuar gjithe jeten per nder te jetes se atyre qe na besojne.

Vini gishtin kokes, mbrohuni sa te mundni, e nese nuk e doni jeten tuaj, vjen vet shoku Covid, ju perqafon e kafshon madje, me mall te papare, po te tjeret mos i helmoni e vŕisni me injorancen tuaj stratosferike, vŕastare te jetes. Po punojme nonstop, ne kushtet me te veshtira te jetes tone, po u sherbejme njerezve duke rezikuar veten , familjet, femijet, prinderit, miqte.

Njerezit kane semundje nga me te ndryshmet, ca prej tyre, tumorale e na shohin ne drite te syrit per ” shprese” e duhet te jemi aty , ne frontline tju sherbejme atyre qe e duan jeten, atyre qe duan te shohin diellin e se nesermes, e duhet te jemi te forte. Mbyllini mor, gojet tuaja te liga, hapni syte, e veshet, e kujdesuni per jeten, qe Zoti jua ka fal vec nje here.Jemi ne kete situate per shume arsye, po nje prej tyre eshte papergjeshmeria e paprecedent e individeve te tille. Lerini mjeket, te punojne te qete, ne keto kohe tejet te veshtira, perpos vapes, Covidit, rasteve problematike qe kerkojne zgjidhje, lodhjes se tejzgjatur, sju kemi mangut dhe mendjet e helmatisura nga virusi i injorances. ”