Wednesday , September 30 2020
FOTO ARKIVA

Tṙagjedi në Gramsh. Dy pjesëtarë të së njejtës familje humbin jetën nga Covid brenda 24 orëve.

Dy pjesëtarë të një familjeje në Gramsh kanë humbur jetën si pasojë e koronavirusit të ri COVID 19. Sipas informacioneve për Report Tv, vjehrra, nusja dhe bashkëshorti i kësaj të fundit kanë rezultuar me Covid19. Ditën e djeshme është ndarë nga jeta vjehrra 87 vjeçare, ndërsa sot ka humbur jetën edhe nusja 55 vjeçare. Mësohet se në gjendje të rëndë ndodhet edhe bashkëshorti i 55 vjeçares.

Ministria e shëndetësisë gjatë ditës së sotme, raportoi për 4 raste të reja në Gramsh, gjatë 24 orëve të fundit.  Gjithashtu gjatë 24 orëve të fundit, në të gjithë vendin tonë janë infektuar  164 persona të tjerë. Ndërkohë ministria e shëndetësisë ka bërë të ditur se po gjatë 24 orëve të fundit kanë humbur jetën 3 persona të cilët prej disa ditësh vuanin nga Covid-19.

Një mësues 47 vjeçar nga Pogradeci, pa sëmundje bashkëshoqëruese, pas 12 ditësh në terapi intensive në spitalin Shefqet Ndroqi, nuk e fitoi dot betejën me COVID19. Edhe një 78 vjeçar nga Fieri dhe një 87 vjeçar nga Gramshi kanë humbur jetën në 24 orët e fundit, me gjithë përpjekjet e mjekëve dhe infermierëve. I shprehim ngushëllimet familjarëve. – thuhet në mjoftimin zyrtar të Ministrisë së Shëndetësisë.