Friday , October 23 2020

Çudira shqiptare; I mituri futet në market dhe vjedh 300 mijë lekë, menaxheri ia mban kasieres

Kohët e fundit në internet kanë qarkulluar video dhe foto, ku shihet një djalë i moshës 12-13 vjec, duke vjedhur disa objekte në kryeqytet. Pre e vjedhjes prej tij ka rënë edhe një supermarket në Yzberisht. Ersida Avdo është drejtuar në emisionin Stop, pasi punon kasiere prej disa muajsh në supermarketin në fjalë në zonën e Misto Mames në Tiranë.

Në datën 27 gusht, kur ka ndodhur vjedhja, Ersida ka qenë në kasë, por meqë nuk kishte njerëz por merrej me sistemimin e rafteve të produkteve. Pak caste më pas ajo ka parë të miturin, por ai është larguar me shpejtësi, duke grabitur një shumë prej 300 mijë lekësh të vjetra.

Për rastin është bërë kallzim dhe materialet i kanë kaluar prokurorisë, por administratori i marketit i kërkon paratë punojëses. Kjo e fundit është detyruar t’ia japë paratë e vjedhura, por thotë, se kjo nuk është e drejtë dhe kërkon ndihmë në zbardhjen e cështjes.

Ersida Avdo ka firmosur një kontratë, ku përcaktohet qartë pozicioni i punës si kasiere, por gojarisht i janë kërkuar edhe përgjegjësi të tjera. Këtë e konfirmon edhe një punonjës i supermarketit. Gazetarja e “Stop” komunikoi edhe me OPGJ-në, që është marrë me këtë rast, për t’u interesuar për gjetjen e autorit të vjedhjeve, por nuk përgjigjet për këtë e mjaftohet të thotë, se nuk mund t’i japë paratë nga xhepi.newsbomb