Saturday , October 31 2020

Ndërron jetë papritur duke pirë kafe në lokal një person në Elbasan, dyshimet e policisë

Një person ka nderruar jete në një lokal në qytetin e Elbasanit mëngjesin e sotëm. Ngjarja raportohet se ndodhi në lagjen “5 Maji”. Burime jo zyrtare bënë me dije se një person i cili po pinte kafenë e mëngjesit është parë nga kamerieri që ra nga karrigia në dysheme dhe menjëherë është njoftuar shërbimi i urgjencës pasi u konstatua se kishte probleme shëndetësore.

Por megjithëse urgjenca dhe personeli mjekësor kanë mbërritur shumë shpejt duke i dhënë ndihmën e parë mësohet se gjatë rrugës për në spital ai ka ndërruar jetë.

Paraprakisht dyshohet që ndonjë goditje në zemër ose në tru të ketë rezultuar fatale për jetën e këtij personi i cili për momentin nuk është identifikuar.