Tuesday , October 27 2020

Pyetja e ‘Turit’ bëri xhiron e rrjetit, ja si përgjigjet Ministrja e re, Kushi: Ajo ishte pyetje…

Një nga pyetjet që iu paraqit nxënësve në testin e Gjuhës dhe Letërsisë për maturën shtetërore, ishte ajo e “Çfarë bëri Turi”, e cila bëri xhiron e rrjetit. Duke iu përgjigjur kësaj pyetjeje, ministrja e Arsimit Evis Kushi tha se ajo ishte një pyetje logjike. Mes të tjerash Kushi u shpreh për News 24 se shumica e maturantëve i ishin përgjigjur saktë pyetjes.

Ç’mund të na thoni për pyetjen ‘Çfarë beri Turi’?

Që ditën e parë në ministri kam marrë informacion mbi rezultatin e testimit. Një përqindje e lartë e maturanteve i janë përgjigjur saktë pyetjes së ‘Turit’. Rinia po fillon të përshtatet me pyetjet logjike. Pyetjes së ‘Turit’ i janë përgjigjur saktë shumica e maturantëve.

A do të kthehen tarifat e masterit pas?

Tarifat e masterit janë në dorën e universiteteve, i vendosin vet ata në bazë të autonomisë. Ne jemi të angazhuar maksimalisht me ato që janë marrë përsipër për paktin me Universitetin.

A do kemi një opsion për auditorë gjysmë online?

Patjetër që po. Universitet janë autonome, s’mund të imponohemi. Na ka rezultuar nga një sondazh që është bërë gjatë muajve të parë të pandemisë, jo në të gjitha universitet është zhvilluar mësimi njësoj. Ndaj e zhvilluam këtë takim me rektorët. Tani ky është një normalitet i ri dhe nuk duhet të çedojmë në cilësinë e Arsimit të Lartë. Kam një shqetësim të madh për degën e Mësuesisë.

Ndërkohë pyetjes se sa mësues janë infektuar me Covid-19, Ministrja Kushi I është përgjigjur: Nuk janë aq shumë raste sa të mbyllen shkollat