Sunday , November 29 2020

Nuk njeh ulje; 421 raste të reja dhe 7 humje jete në 24 orët e fundit. Shifra të larta edhe në Elbasan

Ministria e Shëndetësisë njofton se në 24 orët e fundit janë shënuar 421 raste të reja ,një shifër rekord kjo, si dhe kanë humbur jetën 7 persona si pasojë e Covid-19. Gjatë 24 orëve të fundit janë kryer 1744 testime, nga të cilët kanë rezultuar pozitivë 421 qytetarë, duke e çuar numrin e përgjithshëm të infektimeve në 22,721, prej të cilave 10,482 janë raste aktive.

Gjithashtu, në 24 orët e fundit janë shëruar 118 qytetarë, duke e çuar numrin e të shëruarve në 11,696.

Ministria e Shëndetësisë njofton se rastet pozitive të konfirmuara në 24 orët e fundit janë identifikuar në këto bashki:

180 raste në Tiranë, 30 raste në Berat, 20 raste në Elbasan dhe Korçë,

15 raste në Kukës, 13 raste në Vlorë, Kavajë, 12 raste në Shkodër,

11 raste në Fier dhe Gjirokastër, 10 raste në Librazhd, Kuçovë,

8 raste në Gramsh dhe Pukë, 7 raste në Skrapar, Devoll, Pogradec, Mallakastër,

6 raste në Kolonjë, Sarandë, Lushnje,

4 raste në Mirditë, 3 raste në Tepelenë, Lezhë,

2 raste në Peqin, 1 rast në Krujë dhe Has.

Aktualisht në 3 spitalet Covid, po trajtohen 346 pacientë, 10 në terapi intensive nga të cilët 4 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 7 qytetarë me Sars-Cov2 pozitiv në spitalet Covid: një 58 vjeçare, një 59 vjeçar, një 63 vjeçar, një 78 vjeçar nga Tirana, një 67 vjeçar nga Lushnja, një 70 vjeçar nga Durrësi një 76 vjeçar nga Skrapari, me sëmundje bashkëshoqëruese.

Ministria e Shëndetësisë dhe Mbrojtjes Sociale i bën thirrje të gjithë qytetarëve që janë të konfirmuar ose në pritje të përgjigjes së testit, të qëndrojnë të izoluar, duke respektuar detyrimin e vetekarantinimit.

Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.

Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (5 Nëntor 2020)

Raste të reja ditore 421

Të shëruar ne 24 orë 118

Të shtruar në spitale 346

Humbje jete në 24 orë 7

Testime ditore 1744

Testime totale 133,291

Raste pozitive 22,721

Raste të shëruara 11,696

Raste Aktive 10,482

Humbje jete 543

Shpërndarja gjeografike e rasteve aktive sipas qarqeve:

Tiranë 5299

Durrës 913

Fier 806

Korçë 664

Shkodër 594

Lezhë 456

Elbasan 482

Vlorë 441

Berat 318

Kukës 235

Gjirokastër 172

Dibër 102

Top Channel