Friday , January 22 2021

“Nuk jam single por as i martuar”, Patris Berisha flet për ndarjen e bujshme me këngëtaren shqiptare, Tunën

Dy vëllezërit artistë, Patris Berisha dhe Robert Berisha kanë qenë të ftuarsë fundmi në emisionin “Soiree”, ku kanë folur me detaje lidhur me jetën e tyre private por edhe atë profesionale. Patrisi është pyetur për raportet e tij me Tunën, pasi kjo e fundit prej disa kohësh është shpërngulur bashkë me djalin në Shkup.

Ai e bëri të qartë se nuk janë bashkë më me Tunën, por e mbajti statusin e lidhjes së tij si “të komplikuar”.

“Ende nuk ka kurrëfarë lajmi për single apo i martuar. Me rëndësi shëndeti. Jam as i martuar, as single, tani jam në mes. Është complicated, në rrjedhje të lire”, u shpreh duke qeshur Patris Berisha.

Patrisi u pyet gjithashtu se si i mban tani kontaktet me nënën e djalit të tij, duke theksuar se komunikojnë përmes e-mailit.

“Tash vetëm me e-mail komunikojmë se në telefon i kemi prishur marrëdhëniet. Me e-mail se me telefon ti pëlcet menjëherë dhe përlahesh, ndërsa në e-mail e fshin dhe e shkruan prap dhe kështu e mban raportin të shëndoshë”, shtoi Patrisi.

Tuna dhe Patrisi janë njohur në vitin 2016, ndërkohë që një vit më vonë janë bërë prindër për herë të parë, të një djali të quajtur Tian.