Saturday , May 8 2021

Almeda Abazi publikon një foto të vjetër nga fëmijëria dhe ja si dukej modelja dikur

Almeda Abazi vendosi që mbrëmë t’u kushtonte pak kohë ndjekësve të saj në rrjete sociale. Bukuroshja shqiptare bëri një bashkëbisedim me ta në Instastory dhe ndonëse pjesa më e madhe e pyetjeve lidheshin me shtatzëninë, nuk munguan as ato për të kaluarën e saj. Dikush i kërkoi të publikonte një foto nga fëmijëria dhe aktorja ia ka plotësuar dëshirën.

Ajo ndau me të gjithë një foto të vjetër bardh e zi, ku shfaqet në plazh, buzë detit. Për më tepër, Almeda shihet me flokë të shkurtër dhe me balluke. Ish-missi do të bëhet së shpejti nënë për herë të dytë, teksa aktualisht është në muajin e 5-të të shtatzënisë.

Ajo është martuar me aktorin e njohur turk, Tolgahan Sayisman, me të cilin ka edhe një djalë. Efehan (emri i djalit) do të bëhet me një motër, së cilës Almeda dhe partneri i saj ia kanë zgjedhur që tani emrin: Alina.