Thursday , April 22 2021

Jeni shëruar nga Covid-19? Keto jane 4 hapat që duhet të ndiqni për t’u kthyer në gjendjen e mëparshme fizike

Një në pesë persona që shërohen nga koronavirusi mbeten të sëmurë për gjashtë javë të tjera ose më shumë dhe lufta për t’u rikthyer në normalitet mund të jetë e vështirë. Por David Salman dhe kolegët e tij nga Imperial College London kanë gjetur disa mënyra efikase të të ushtruarit për t’u kthyer në nivelin fizik të para-infektimit me Covid-19. Prioritet është të filloni të ushtroheni në mënyrë të sigurt, pra më ngadalë se para infektimit dhe të mos sforcoheni, por të ndaloni kur ndjeni lodhje.

Është e rëndësishme që stërvitja të nisë pas të paktën 7 ditësh pa simptoma dhe dy javët e para duhet të jenë të buta, shkruan TheMirror. Instituti anglez i Sportit sugjeron që personat e shëruar nuk duhet të merren me aktivitet të rënduar fizik, nëse nuk mund të ecin rreth 500 metra pa u lodhur dhe pa marrje fryme.

Personat që e kanë kaluar Covid-19 me shumë vështirësi janë të prirur të kenë dëmtime në zemër, prandaj duhet të bëjnë një kontroll kardiak, para se të fillojnë të ushtrohen. Në fazën e 7 ditëve të para mund të filloni me punët e shtëpisë apo të kopshtit, me ecje të lehta apo joga. Të dobishme janë edhe ushtrimet e fleksibilitetit dhe ato të frymëmarrjes.

Në fazën e 7 ditëshit të dytë është mirë të merreni me ecje të lehtë dhe joga, duke e rritur intensitetin me 10-15 minuta në ditë. Në fazën e tretë provoni intervale të veprimtarive 5-minutëshe, si ecja e shpejtë, ngjitja e zbritja e shkallëve, vrapimi, noti dhe çiklzimi. Shmagni marrjen e frymës dhe sigurohuni të jenë në gjendje të bisedoni.

Në fazën e katërt merruni me vrap apo hapa anësorë. Pasi të ketë përfunduar faza e katërt, provoni ushtrime normale.