Thursday , April 22 2021

Greqia hap turizmin në këtë datë. Publikon kushtet për t’u futur

Greqia synon të hapë sezonin në 14 maj, tha ministri i Turizmit Haris Theocharis gjatë një konference në Panairin Ndërkombëtar të Turizmit në Berlin. “Ne jemi më shumë se optimistë, ne jemi gati” tha ministri, duke theksuar se deri atëherë, kufizimet do të hiqen gradualisht.

“Tashmë që nga viti 2020, Greqia ka provuar në praktikë se mund t’i garantojë çdo vizitori gëzimin unik të udhëtimeve dhe pushimeve, në mënyrë të sigurt. Ne arritëm të hapim turizmin grek në mënyrë të sigurt” tha Theocharis. “Ne krijuam protokolle për secilin aktivitet, trajnuam miliona punonjës, bashkëpunuam me sektorin privat që zbatoi në mënyrë shembullore protokollet, forcoi çdo ishull dhe destinacion. Të gjithë turistët që janë vaksinuar, kanë antitrupa ndaj virusit ose kanë një test negativ janë të mirëpritur.

Disa do t’i nënshtrohen testeve të rastit. Dallimi me vitin e kaluar është se me testet e shpejta, izolimi i çdo rasti pozitiv do të bëhet menjëherë, pa nevojën e lëvizjes 24 orë pasi të jenë akomoduar.

Çdo shpenzim mjekësor i kryer do të mbulohet nga shteti. Të njëjtat rregulla do të zbatohen për turistët siç zbatohen për të gjithë qytetarët në Greqi (maska, etj.). Përparësi i jepet vaksinimit të atyre që punojnë në turizëm. Gjithçka që dëshironi është Greqia. Po, këtë vit dhe përgjithmonë, gjithçka që dëshironi është Greqia. Për shpresën, për buzëqeshjen“, përfundoi ministri