Wednesday , April 21 2021

Prezanton emisionin më të ndjekur të humorit, ja çfarë komenti i bëri Fjoralbes ish moderatorja Xhemi Shehu

Mbrëmjen që kaloi për herë të parë u shfaq në krah të kolegut të tij Saksano Rrapit, për të prezantuar emisionin e ndjekur “Portokalli” për këtë sezon të ri. Fjoralba Ponari publikoi në llogarinë e saj në Instagram një foto të realizuar gjatë kohës që ishte në skenën e programit të humorit.

“Më uroni fat!”, – shkroi Ponari krahas saj.

Nisur nga kjo, urimet kanë qenë të shumta, por ai që ra në sy ishte komenti i Xhemi Shehut. Xhemi ka qenë prezantuese e “Portokalli” prej disa vitesh, por zgjodhi të largohej sezonin e kaluar.

“Suksese, e meriton”, – shkroi Shehu shoqëruar edhe me ‘emoji-n’ e një zemre të kuqe. Para Fjoralbës, në këtë pozicion ishte Eneda Tarifa, por artistja zgjodhi të shkëputej. Kjo sepse, sipas saj, është momenti më i mirë për të sjellë projekte të reja në muzikë. Lajmin se Fjoralba do të ishte prezantuese këtë sezon e konfirmoi vetë ajo, duke shtuar se nuk e kishte menduar kurrë më parë se do të bëhej pjesë e këtij programi, por ka qenë bordi drejtues ai që e ka bindur se mund t’ia dalë.