Monday , April 19 2021

E njihni këtë vogëlush në foto? Sot ai është një ndër artistët më të dashur për publikun shqiptar

Ai është padyshim një ndër artistët më në zë të botës së muzikës shqiptare dhe njëkohësisht bashkëpunëtor në programin “Shqiptarët për shqiptarët”. Këngëtarin Sidrit Bejlerin e shohim shpeshherë në rrjetet sociale, ku është mjaft aktiv dhe ndan me ndjekësit momente nga përditshmëria. Sidriti poston foto mjaft të rralla nga fëmijëria, mirëpo së fundmi e ka bërë një përjashtim duke ua shuar kuriozitetin fansave të tij se si dukej kur ishte fëmijë.

“Na ishte njëherë…1978”, – shkruan artisti krahas fotos bardhezi nga fëmijëria

Reagimet kanë qenë të shumta, ku disa nga ndjekësit i kanë shkruar se ai nuk ka ndryshuar fare e disa të tjerët i kanë vënë në dukje flokët.

Kujtojmë se Sidrit Bejleri u bë baba për herë të tretë në qershor të vitit 2019. Në atë periudhë ai nuk nguroi të ndante me publikun emocionet e para dhe lumturinë e përjetuar:

“I takon nënës merita më e madhe për sakrificën që bën për lindjen dhe rritjen e fëmijës. Desh Zoti shkoi gjithçka mbarë, pavarësisht se ishte hera e katërt me ndërhyrje, nuk është diçka e thjeshtë. Nëna dhe vajza gëzojnë shëndet të plotë. Desh i madhi Zot na nderoi. Fëmijët janë në qiellin e shtatë. Kontakti i parë ishte një varje nofulle, sepse nuk e imagjinonin që do ishte aq i vogël bebi”, – tha Sidriti.