Wednesday , May 12 2021

Probleme në Elbasan/ Një person i paautorizuar shoqëronte qytetarët për të votuar, sekretarja merr vendimin e menjëhershëm

Një person i paautorizuar shoqëronte qytetarët për të votuar, sekretarja e QV në Elbasan ngre alarmin, ndërpreu për 40 minuta procesin Një incident është regjistruar në Qendrën e votimit 23, 71/ 1 në qytetin e Elbasanit, ku një person i paautorizuar shoqëronte qytetarët për të votuar. Sekretarja e QV në ka ngritur alarmin dhe ndërpreu për 40 minuta procesin.

Sekretarja e kësaj qendre, e cila i përket Partisë Demokratike, ka kërkuar ndërprerjen e procesit, pasi sipas saj, një person i pa autorizuar shoqëronte qytetarët për të votuar.

Procesi ka ndalur për 40 minuta dhe tanimë pas zgjidhjes së problematikës ka rinisur normalisht. Kreu i KZAZ, z. Pulaku, në një prononcim për gazetaren e Klodiana Lala, tregoi dinamikën e incidentit.

“Morëm një telefonatë nga 21 71/1 sepse kishim raportime që futeshin njerëz dhe shoqëronin persona në qendrat e votimit. Sekretarja e PD thërriti instancat më të larta për të zgjidhur çështjen.

Personi njihet, kamerat janë, por si emër nuk e kemi ende. Sekretarja donte ndihmën e KZAZ, nuk duhet votuar votimi. Tani po ndodh i qetë votimi. Nuk pat acarim të madh, gjithçka kaloi qetësisht. Policia nuk ka ardhur ende”, tha Pulaku.