Sunday , June 13 2021

U përfolën se janë çift, Argjira dhe Graciano sqarojnë publikisht çpo ndodh mes tyre…

Graciano Tagani dhe Argjira Spanca ishin kryefjala e mediave rozë gjatë gjithë kësaj jave. Dyshja e njohur i surprizuan të gjithë, teksa u mësua se ata kanë disa muaj që janë në një lidhje me njëri-tjetrin. Dhe më në fund pas gjithë aludimeve, Argjira dhe Graciano e kanë konfiruar vetë me gojën e tyre lidhjen ditën e sotme. Teksa ishin duke diskutuar për vërtetësinë e çifteve në rubrikën “Trotuar” në emisionin “E diell”, dyshja pranuan se janë bashkë.

Edi Manushi pyeti të ftuarit se cilët janë beqarë dhe Graciano me Argjirën u ngritën dhe me shaka nxituan të dilnin nga studioja për të mos folur për historinë e tyre. Por ata u rikthyen dhe me një buzëqeshje e sytë plot shkëlqim pranuan se janë bashkë. Ata thanë se kolegët e tyre në “E diell” e kanë ditur prej kohësh këtë gjë.

“Mos aktroni se ju e dini që e kam shumë inat këtë gjë. Ju e dinit të gjithë, pse bëni sikur se dini”, u shpreh Graciano.

Për t’i ngacmuar, Manushi i tha me shaka Argjirës se si ka mundësi që mes miliadra njerëzve në botë zgjodhi Gracianon si partnerin e jetës.

“Po pse mo të duket zgjedhje e keqe?”, u shpreh ajo, teksa shihte gjithë dashuri Gracianon.