Friday , July 23 2021

Aleksandër Gjokës ndihet keq gjatë koncertit në Berat, dërgohet me urgjencë në spital. Ja gjendja e tij

Këngëtari i njohur i muzikës rrok Aleksandër Gjoka është ndjerë keq në skenë ndërkohë që po këndonte në natën e dytë të Festës së Miqësisë në qytetin e Beratit. Sipas “News 24” këngëtari ishte duke kënduar dhe në një moment ka pasur probleme me tensionin dhe është ndjerë keq. Menjëherë pranë pedonales së qytetit, ku ishte vendosur skena, ka mbërritur ambulanca që ka transportuar këngëtarin në spital.

Burime nga Spitali Rajonal Berat bëjnë me dije për “News 24” se këngëtari Aleksandër Gjoka ka pasur tension të lartë dhe pasi ka marrë mjekim gjendja e tij shëndetësore është stabilizuar. Aleksandër Gjoka ka qenë i ftuar për të kënduar në Pedonalen e Beratit, së bashku me Redon Makashin dhe Elton Dedën.