Tuesday , January 18 2022

Nami nga kontrollet rrugore, 4 persona në pranga në Elbasan, 693 gjoba

Policia Rrugore e Qarkut të Elbasanit arréstoi 4 drejtues makinash, u hoqi patentën për 26 të tjerëve dhe vendosi 683 gjoba. Pas kontrolleve të kryera, Policia e Elbasanit raporton se pjesa më e madhe e gjobave janë vendosur për parakalime të gabuara (285). 214 shoferë u gjobitën për shkelje të rregullave të Kodit Rrugor.

NJOFTIMI I POLICISË SË ELBASANIT:

Policia Rrugore e Elbasanit, masa të shtuara për parandalimin e aksidenteve rrugore, evidentimin dhe ndëshkimin e drejtuesve të mjeteve që shkelin rregullat e qarkullimit rrugor.

Advertisement

Gjatë javës që lamë pas, si rezultat i shtimit të kontrolleve nga shërbimet e Policisë, falë dhe përdorimit të radarëve dhe dragerave, janë arréstuar 4 drejtues mjetesh, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Gjithashtu, janë pezulluar 26 leje drejtimi, nga të cilat: 12 për drejtim mjeti nën ndikimin e alkoolit dhe 14 për drejtim mjeti me shpejtësi mbi normën e lejuar.

Janë vendosur 693 masa administrative gjatë javës që lamë pas, të ndara si vijon:

-12 masa për drejtim mjeti nën efektin e pijeve alkoolike;

-19 masa për mosvendosjen e rripit të sigurimit;

-12 masa për mosvendosjen e kaskës mbrojtëse;

-285 masa për parakalime të gabuara;

-14 masa për shpejtësi mbi normën e lejuar;

-135 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit;

-2 masa për mungesë të siguracionit të mjetit;

-214 masa për shkelje të rregullave të tjera të Kodit Rrugor.

Policia Rrugore e Elbasanit falënderon drejtuesit e mjeteve dhe këmbësorët që respektojnë rregullat e qarkullimit rrugor dhe fton të gjithë qytetarët që të denoncojnë në 112 dhe në Komisariatin Dixhital, çdo rast të shkeljeve të rregullave të qarkullimit rrugor, duke u garantuar reagim të shpejtë dhe të paanshëm.