Zgjedhjet brenda partitsë/ Evis Kushi zgjidhet kryetare e PS në Elbasan

Deputetja Evis Kushi është zgjedhur kryetar e Partisë Socialsite në Elbasan, në mbledhjen e Asamblesë socialiste në Elbasan. Ky post është mbajtur më herët nga Xhevahir Budani i cili qëndroi në këtë detyrë për rreth dy vite.

Zgjedhjet breda partisë po zhvillohen në kuadër të procesit të riorganizimit, ripërtëritjes dhe përgatitjes së Partisë Socialiste për zgjedhjet parlamentare të qershorit 2021

Kush është Evis Kushi

Evis Kushi lindi në Elbasan, më 7 tetor 1975. Ka kryer studimet e larta në Universitetin e Tiranës, Fakulteti Ekonomik, dega Administrim Biznesi. Gjithashtu në vitet 2003-2008 ka studiuar në Staffordshire University, Angli, PhD në Ekonomi Turizmi. Në vitin 2010 ka marrë titullin “Profesor i Asociuar” në Universitetin “Aleksandër Moisiu” në Durrës. Në vitin 2016 ka marrë titullin “Profesor” në Universitetin Bujqësor të Tiranës.

Ka një përvojë të gjatë pune në universitet. Nga viti 1998 deri në vitin 2013 ka qenë lektore në Universitetin “Aleksandër Xhuvani” në Elbasan. Në vitin akademik 2008-2009 ka qenë lektore në Universitetin Shtetëror të Tetovës, Fakulteti Ekonomik, Maqedoni. Në vitet 2012-2013 ka qenë dekane e Fakultetit Ekonomik në Universitetin “Aleksandër Xhuvani” në Elbasan.

Kushi është zgjedhur deputete e Partisë Socialiste në vitin 2013 dhe është anëtare në Komisionin për Ekonominë dhe Financat.

Ajo është autore dhe bashkautore e botimeve të ndryshme shkencore në fushën e marketingut dhe turizmit.